National News——–Nagbilog ro Department of Education (DepEd) it Private Education Office (PEO) sa DepEd Central Office agud magtao it suporta sa mga institusyon sa pribadong edukasyon.
Pamaagi sa DepEd Order No. 9, series of 2022, ginbilog ro PEO agud magdumaea sa tanan nga bagay angot sa pribadong edukasyon sa Central Office, ag mabuligan ro taeatapan nga masigurong maabot ro mandato sa pribadong edukasyon.
Ginaeauman nga pagapangunahan it PEO ro whole-of-agency approach para sa institusyonalisasyon it public-private complementarity sa tanan nga lebel it gobyerno pamaagi sa insakto nga mga interbensiyon kaibahan apang bukon it limitado, sa pagbilog it mga estratehikong direksyon ag complementary roles it pampubliko ag pribadong mga institusyon sa basic education.
Nagaeaum man ro opisina nga maghueag ukon kung kinahangean hay magatao it mga rekomendasyon sa taeatapan sa tanan nga bagay angot sa pribadong edukasyon nga naga-abot sa DepEd Central Office ag i-monitor ro resolusyon kara.
