Nagpaguwa eon ro Department of Education (DepEd) it mga sueundanan it School Calendar and Activities para sa School Year 2022-2023 sa tanan nga mga pribado ag pangpublikong eskwelahan sa nasyon.
Raya hay kasunod sa ginpirmahan nga DepEd Order No. 034, series of 2022 ni Vice President ag Education Secretary Sara Duterte-Carpio nga nagataeana man sa pag-umpisa it klase umpisa Agosto 22, 2022 ag magatapos man sa nHulyo 7, 2023.
Ginpahayag it DepEd nga nagtao eon man sanda it directions ag guidance may kaangtanan sa uman nga pagbukas it mga eskwelahan sa nasyon ag maga-angko ma sigon it limang adlaw nga gradual introduction it in-person learning modality classes.
Apang owa man it igapatigayon nga ano man pag i-inspeksyon, tools, ukon dugang nga requirements para sa uman nga pagbukas it mga eskwelahan ag it nasambit nga gradual introduction it in-person learning modality classes.
Sa pihak nga parte ginpahayag dugang man it DepEd nga opisyal eon man nga maga-umpisa ro learning intervention para man sa Alternative Learning System (ALS) sa kaparehong petsa.
Samtang, nakadepende man sa educational background ukon existing knowledge level it sangka estudyante antes mag-enroll sa ALS program ro igabuhay it nasambit nga programa.
