Nagpaguwa ro Department of Education (DepEd) it bag-ong sueundanan nga naga-tao it mas mabahoe nga gahum sa mga school head para magpatuman it granular suspension it klase base sa aktuwal nga sitwasyon sa andang mga komunidad.
Sa idaeom it DepEd Order No. 14, Series of 2026, gina-manduan ro mga school head nga makipag-angot sa School Division Superintendent ag mga lokal nga gobyerno para matumod kun aling mga klase ukon grade level eamang ro dapat suspendihon sa tyempo it kalamidad.
Kaibahan man sa masuguan ro ap-at nga lebel it learning continuity framework: Hayo ukon Continue para sa regular nga face-to-face classes, Hinay ukon Ease-in para sa flexible learning sa tyempo it sangkiring kalamidad, Hinga ukon Check-in para mabawasan ro academic requirements samtang gina-una ro kaeuwasan, ag Hinto ukon Stop para sa temporaryong pagsuspinde it klase kun may grabe nga peligro.
Tuyo it bag-ong polisiya nga mapadasig ro pagdesisyon ag masiguro ro kaeuwasan it mga estudyante samtang ginapadayon ro pag-tuon sa tyempo it kalamidad.
