KALIBO, Aklan—Sa pihak it mga pagbag-o, aberya ag reklamo, nagpanindugan ro department of education nga owa nauyang ro nagtaliwan nga school year 2020-2021.
Suno kay Dr. Miguel Mac Aposin, schools division superintendent it deped-Aklan raya hay sa pihak it grabeng adjustment sa pagpatigayon it alternatibong pamaagi it distance learning ro online class ag modules.
Indi maitago suno kana nga masyadong naging mabudlay ro nagtaliwan nga academic year para sa mga manugturo ag estudyante, kamana man sa mga ginikanan ukon guardian, bangud sa COVID-19 pandemic.
Sa maabot nga panibag-ong school year, ginaeauman nga makasabay eon ro tanan sa bag-ong sistema.
Angot kara, ginpasaeamatan ni Dr. Aposin sa uman ro naging kaparte it nagapadayon nga edukasyon sa tunga it pandemya.
