Owa it plano ro Department of Education (DepEd) nga magsuspinde it klase makaron nga adlaw it Lunes.
Raya hay sa pihak it igakasang untat-biyahe it transport group nga Manibela sa makaron nga Lunes, Marso 6 hasta 12 para baeabagan ro phaseout it traditional jeepney sa nasyon.
Suno sa DepEd, sa pihak nga magsuspinde it klase, ginalaygayan ro mga eskwelahan nga magpatigayon eon lang it Alternative Delivery Modes sa pagturo.
Halimbawa eon lang kara ro online classes ag modules..
Ginatantyang kapin sa 40,000 jeepney ag PUV express drivers ro ginaeauman nga makigbuylog sa nasambit nga untat-biyahe.
Kapin sa 2 milyong pasahero man ro maapektuhan engkaso nga madayon ro jeepney strike.
Apang, nauna eon nga ginpahayag it Manibela nga dayon ag owa eon it atrasan ro andang jeepney strike makaron nga adlaw it Lunes.
