KALIBO, Aklan—Ginkumpirma it Department of Education ukon DepEd Region 6 nga nagakinahangean pa it 478 nga mga registered nga guidance counselors sa nagkaeain-eain nga mga eskwelahan sa bilog nga Western Visayas.
Suno kay Mr. Hernani Escullar Jr., spokesman it DepEd Region 6 sa makaron hay naga-abot eamang sa 36 ro andang na-hire nga mga guidance counselors nga gindesignar sa mga eskwelahan.
Raya suno kana ro maabu nanda nga mga unfilled positions.
Makapilang beses eon sigon nga naga-publish ro mga division offices it andang “hiring” para sa nasambit nga posisyon, apang owa it nagaka interes nga mag apply.
Raya hay bangud sa posibilidad nga manaba ro sweldo ukon salary grade 11 ag ro qualification nga kinahangean nga may master’s degree in guidance and counsellling.
Bangud kara, ginpahayag ni Escullar nga may mga kahigayunan nga naga-designate eon lang it mga non-teaching personnel ro eskwelahan nga may ikasarang nga magpungko bilang guidance counselors eabi eon sa pagtratar sa mga learners nga nagapangatubang it problema sa mental health ag sa mga kaso it bullying.
Sanda man sigon ro nagatambong sa mga training agud nga ma-update sa mga latest nga guidelines, procedures, interventions ag iba pa.
