Pilang beses eon nga nasuspende ro klase sa pampubliko ag pribadong eskwelahan umpisa nga magbukas ro school year 2022-2023 ko Agosto 22.
Ro rason, mabaskog nga uean ag pagbaha.
Ro problema sa pagsuspende it klase it ora-orada ukon idtu eon sa eskwelahan ro mga estudyante hay nagakatabu kato pa.
Indi masayuran kon sin-o ro may vvvvnga apektado sa andang nasakupan.
Apang ro problema, may mga mayor nga indi makita sa tiempo it kalamidad ag indi masayuran ro obrahon kon magasuspende it klase ukon indi.
Suno sa mga ginikanan, dapat sigon nga ipahisayod it mga awtoridad it mas temprano ro suspension it klase.
Mas mayad kon itugyan eon lang sa Department of Education (DepEd) ro pagdesisyon sa suspension it klase agud nga owa it pagtaeang.
Ro DepEd ro may hurisdiksiyon sa pagsuspende sa klase rason nga itugyan kanda raya.
