Nagaeaum si outgoing Department of Education Secretary Leonor Briones nga maipadayun it masunod nga administrasyon ro mga programang gin-umpisahan it ahensya.
Suno kay Briones, kinamatarong ni Vice President-elect ag incoming DepEd Secretary Sara Duterte-Carpio nga magtaeana it miyembro it anang official family.
Apang, nagaeaum si Briones nga magapadayun ro mga programa it taeatapan kapareho it Alternative Learning System and Last Mile Schools Program nga suportado it anang ama nga si outgoing President Rodrigo Duterte.
Ginpaathag it sekretarya nga daywang beses eon nga nagpaabot it kagustuhan si Duterte para talakayon ro angot sa pagahimuon nga transition.
Posible sigon nga mapatigayun ro transition engkaso nga matapos eon ro oath taking ni Duterte.
Ginklaro ni Briones nga haum eon imaw nga magpanaog sa anang pwesto apang bukon pa it raya ro tyempo it pagre-retiro bangud permi sigon imaw nga haum nga ipakigbahin ro anang eksperyensya sa government service engkaso nga may magpangutana angot kara.
