Target it Department of Education ukon DepEd nga islan ro mga outdated laptops nga gintao sa mga manugturo sa pangpublikong skwelahan.
Suno kay DepEd spokesperson Michael Poa magapatigayon ro taeatapan it survey para matumod ro mga isyu sa laptops nga ginbakae pamaagi sa Department of Budget and Management-Procurement Service (PS-DBM).
Pagpaathag pa it DepEd official nga mag-euwas sa pagsabat sa mga concern it mga manugturo sa mahinay nga computers, makipa-angot man sigon ro DepEd sa PS-DBM nga buyer ag andang gina-insister ro warranty provision sa andang kontrata sa supplier it laptops.
Sa makaron, hinyu it DepEd sa PS DBM nga magsumite it documentation sa procurement it mga laptop.
Sa tyempo sigon nga mabaton nanda ro mga dokumento hay gilayon nga magapatigayon it imbestigasyon kung may gaps sa procurement process.
