DepEd-VI, owa it na-monitor nga mabahoe nga mga problema kasunod it implementasyon it limang adlaw nga in-person classes

KALIBO, Aklan–Owa it na-monitor nga mabahoe nga mga problema ro Department of Education (DepEd)-VI kasunod it implementasyon it limang adlaw nga in-person classes sa mga eskwelahan sa bilog nga Western Visayas.

Ginpahayag ni Hernani Escullar Jr., tagapaghambae it DepEd-VI nga nagapadayun ro andang pagmonitor ag pagsabat sa mga ginapaabot kanda nga kakueangan ag concern it pilang eskwelahan sa rehiyon.

Partikular nga gintumod kara ro kakueangan sa classroom, school chairs ag furniture.

Ginpasiguro man kara nga nagahimo sanda it pamaagi agud nga masabat ro kinahang-eanon it mga eskwelahan ag manugturo.

Nasayuran nga nakataeana nga magtapos ro klase sa Hulyo 7 samtang ro end of school year rights hay Hulyo 10 hasta 14.