Ginabuebanta nga naga-abot sa 106,000 nga mga balota nga pagagamiton kunta sa May 9 elections ro ginakonsidera nga depektibo.
Suno kay Commission on Elections Commissioner George Garcia, paga-sunugon ro mga nasambit nga balota sa atubang mismo it mga kandidato, political parties ag andang mga representante.
Sa anang pag-atubang sa House Committee on Suffrage and Electoral Reforms, ginpahayag ni Garcia nga ro mga nasambit nga balota hay may mga batik, bukon it tama ro pagkaputoe ag kulay ukon may “unmatched timestamps.”
Ginpahayag man ni Garcia nga kapin sa 82.4% ukon 55,579,298 ballots halin sa kabilugan nga 67,432,616 eon ro naimprenta.
Samtang, indi sigon masigurado kung magiging depekto ro 18% pa it mga balotang owa pa nai-imprenta.
Target man it Comelec nga matapos ro pag-imprenta it tanan nga mga balota sa ikaywang dominggo it Abril.
