Ginkakas eon ro deployment ban sa mga empleyadong Pilipino nga may unang existing nga kontrata ukon nagaplanong magatrabaho sa India.
Raya hay matapos nga pasugtan it gobyerno it Pilipinas ro deployment it overseas Filipino workers (OFWs) matapos ro pagpairal it ban bangud sa owa pagsunod it India sa tatlong kondisyon nga ginplastar it Pilipinas.
Kaibahan kara ro laye nga nagaprotekta sa OFWs, pag-ratipika sa International Convention on the Protection of the Rights of All Migrant Workers and Members of their Families (CRMW) ag ro bilateral labor agreement it Pilipinas sa India.
Suno sa Philippine Embassy sa New Delhi, ro mga empleyado nga newly-hired ukon ro kontrata hay na-renew hay ginapasugtan eon nga makatrabaho sa India sa kondisyon nga ro andang kontrata hay duly authenticated it embahada.
Kasunod eon man kara ro abiso it embahada nga nagabaton eon sanda ag t bukas para sa pagproseso it aplikasyon para sa employment contract authentication.
