-- ADVERTISEMENT --
KALIBO, Aklan – Kasado eon ro security deployment it aklan police provincial office ukon APPO para sa andang Oplan Summer Vacation.
Suno kay P/Corporal Leonilyn Artes, tagapaghambae it APPO nga magadeploy it kapulisan sa nagkaeain-eain nga mga lugar nga kaeabanan nga ginadayo it mga tawo kada summer season para sa seguridad it mga bakasyonista ag turista partikular sa isla it Boracay.
Pagatutukan sigon it mga pulis ro mga terminal it saeakyan, areas of convergence, tourist spots ag maskin ro mga simbahan makaron nga Semana Santa.
Kaibahan pa suno kana sa plano ro pagtukod it mga Police Assistance Desks sa mga matawong lugar agud nga makadali nga makaresponde sa anuman nga posibleng matabu ag may pangayuan it bulig ro mga residente ag bisita.
