KALIBO, Aklan—Ginsaysay ni Dr. Romeo Lorenzo sangka mental health professional ro daywang klase it depression nga masami nga na-eksperyensyahan it mga indibidwal nga may ginapangatubang nga problema sa andang kabuhi.
Raya suno kana hay ginakaeakipan it anxiety ag depression.
Ro anxiety hay ro pagbatyag it pagkabaeaka it sangka indibidwal maskin sa mga bagay nga indi man dapat pagkabaeak-an samtang ro depression hay ro pagbatyag it kasubo ukon bukon it pagiging masadya sa kabuhi.
Dugang pa kara nga may daywang klase it depression nga ginakaeakipan it clinical ag general depression.
Ginpahayag ni Dr. Lorenzo nga mas madasig nga maka-recover ro mga tawo nga nagabatyag it general depression bangud masami sigon nga owa man raya nagabuhay.
Samtang, ro clinical depression hay ginabatyag it sangka tawo sa sueod it mabuhay nga panyempo ag nagakinahang-ean it medical consultation.
Pila sigon sa mga sintomas it tawong may depression hay ro indi makatueog sa gabi-i ukon insomnia, stress, pagtambok ukon pagniwang, pagkabalisa, masinubuon ag maabo nga iba pa.
Gin-instser man kara nga indi makabulig ro pag-inom it aeak sa pagsolbar it problema.
Masami sigon nga gina-refer eon nana sa Psychiatris ro mga tawo nga may grabeng depression eabi eon kung indi eon raya madaea sa counseling ukon psychotherapy.
Gin-engganyo man ni Dr. Lorenzo ro mga pumueyo nga indi magkahuya nga magpangayo it bulig ukon magpa-konsulta sa doktor agud malikawan ro pag-grabe it kondisyon.
