Bukon it patas para sa mga nasyon nga owa it ikasarang nga mag-produce it kaugalingon nga langis ro desisyon it Organization of Petroleum Exporting Countries (OPEC) nga bawasan ro andang oil production it daywang milyong bariles kada adlaw.
Suno kay Senate President Migz Zubiri, siguradong magatuga eon man raya it sunud-sunod nga pagtaas it presyo it produktong petrolyo nga pagasundan it pagtaas it presyo it iba pang produkto.
Sambilog sigon sa nakikita nanda nga solusyon hay ro pagkaeasugot it nagkaeain-eain nga nasyon agud nga mapabaskog ro paggamit it mga alternatibong source of energy agud nga mabawasan ro pagiging dependent sa oil products.
Kaibahan kara ro pagpabaskog ag pagpadasig it pagsueod sa Pilipinas it mga e-Vehicle kadungan it pagdevelop it mga alternative energy kapareho it solar ag wind.
Kadungan kara ro pag-ayos it mass transportation it nasyon kapareho it ginpromisa it Department of Transportation nga 1,200 kilometer railway line sa Metro Manila paagto sa Central Luzon.
Nagakabaeaka ro mamalidha nga bangud sa desisyon it OPEC hay padayun nga magataas ro inflation rate it nasyon.
