Gustong mabatian it mga employer ag grupo it mga empleyado ro unang State of the Nation Address(SONA) ni Pangueong Ferdinand “Bongbong” Marcos Jr.
Ginpahayag ni Employers Confederation of the Philippines president Sergio Ortiz-Luis Jr. Nga gapokus sanda sa job creation ag ro andang gustong mabatian sa SONA it pangueo.
Suno man sa Nagkaisa Labor Coalition convener ag tagapaghambae nga si Rene Magtubo nga gusto it sektor nga maihathat ni Marcos ro mga detalye kung paano kara masolusyonan ro inflation.
Nauna eon kara ro pagpaguwa it Philippine Statistics Authority it datus angot sa inflation nga kung siin ro rate it pagtaas it mga presyo it mga baeakeon ag serbisyo hay mas madasig sa 6.1% kuo nagtaliwan nga Hunyo maghalin sa 5.4% ko nagtaliwan nga Mayo ag nagnaba it kapin sa 3.7% ku nagtaliwan nga Hunyo 2021.//Raya man sigon ro pinakamadasig nga inflation print maghalin sa dating 6.9% nga nareport ku nagtaliwan nga Oktubre 2018 ag nakita ko Nobyembre dag-ong 2018.
Suno pa sa labor leader nga nalisdan eon ro mga empleyado eabi eon gid ro mga minimum wage earners para maka-eampuwas sa adlaw-adlaw samtang nagatinaas ro presyo it mga baeakeon, apang owa man nagataas ro sweldo.
Nagaeaum ro mga grupo it employer ag empleyado nga sa paea-abuton nga unang SONA it pangueo sa Hulyo 25 hay maigahathat kara ro mga nagakaigo nga tikang sa grabe nga pagtinaas it inflation sa nasyon.
