Nagpanawagan si Senadora Risa Hontiveros sa Department of Foreign Affairs (DFA) nga kanselahon eun ro Philippine passport ni Alice Guo, matapos masayuran nga nakatakas raya it nasyon.
Suno kay Hontiveros , dapat himuon nga null and void eagi ro passport ni Guo.
Kahapon, sa privilege speech ni Hontiveros, ginapakigbahin kara ro impormasyon halin sa National Bureau of Investigation (NBI) nga nagsueod si Guo sa Malaysia ku Hulyo 18 ag pagkatapos hay nag-adto sa Singapore ku Hulyo 21.
Pamilit it senadora, dapat kat nakumpirma nga ginpeke ro anang pagka-Pilipino, ginkansela eun eagi ro pasaporte ni Guo.
Suno kana ro kapas-eawan nga dakpon si Gou hay nagapakita eamang it kakuengan it interagency coordination.
Nagpaandam pa si Hontiveros nga indi nana paeampason nga mapasabat ro mga opisyal it gobyerno nga kasabwat ni Gou sa pagtakas kara sa pagguwa it nasyon.
