Gakabaeaka si Foreign Affairs Secretary Enrique Manalo angot sa mga tensyon sa Taiwan Strait, nga ginaduso nga ro Pilipinas hay posibleng mag-antos bangud sa maeain nga epekto kara.
Ginpahayag ni Manalo nga may unang 150,000 hasta 200,000 Pilipinong naga-istar ag nagatrabaho sa Taiwan.
Ro Taiwan hay literal nga kaiping it Pilipinas, rason nga kung tan-awon paeang sigon hay anumang klase it paghugot it tensyon ukon giyerang militar hay daeayon gid nga may maeain nga epekto sa Pilipinas.
Kung madumduman ko 2022, ginpahayag it Pilipinas ro andang promisa nga magasunod sa sueundanan nga One-China sa tunga it nagatinaas nga tensyon sa Taiwan Strait.
Angot kara ro Pilipinas hay owa it diplomatikong relasyon sa Taiwan nga sangka demokratikong isla nga nahiwalay sa mainland it Tsina maghalin ko 1949 apang gina-aku sa gihapon it China bilang kabahin it teritoryo kara.
Ginpahayag it China ko nagtaliwan nga Dominggo nga bangud sa pagtukod it mga bag-ong Enhanced Defense Cooperation Agreement ukon EDCA sites, ginakabaeak-an nga ro Pilipinas hay posibleng maeakot sa sangka potensyal nga giyera sa Taiwan Strait.
