Nagapadayon hasta makaron nga adlaw it Miyerkules, Hunyo 1 ro pag proseso it Department of Foreign Affairs (DFA) sa mga dokumento it aplikante nga nag-avail sa passport on wheels nga mga nauna eon nga nakasueod sa ginpatigayon nga pre-registration ko May 17-20, 2022.
Suno kay John Marden Maigue, head it Public Employment and Service Office ukon PESO-Kalibo nga naabot it mga raya ro target nga 600 ka indibidwal nga maserbisyuhan it kapin sa 17 ka mga empleyado it DFA Manila.
Madumduman nga kapin sa 1,800 slots eamang ro ginaakomadar it DFA ag raya hay eksklusibo eamang para sa mga taga banwa it Kalibo.
Ro passport on wheels hay programa it lokal nga gobyerno it Kalibo pinaagi man sa inisyatibo ni sangguniang bayan member Buenjoy French Villanueva
