Gin-aku it Department of Information Communication and Technlogy (DICT) nga ro talamak nga text spam ag phishing hay maghalin sa mga international syndicate.
Naghinyu man it executive session ro DICT sa kamara para ireport ro initial findings it andang imbestigasyon sa nagkalhit nga text scam sa nasyon.
Suno kay DICT Sec Ivan John Uy, nga gusto nandang ipasayod sa mga kongresista nga ro mga kriminal nga sindikato ro sa likod it nasambit nga phishing activities.
Sandig sa andang inisyal nga imbestigasyon kinahangean ro strategic action para matapna ro nasambit nga illegal nga aktibidad bangud eamang it mga pinoy ro eakot apang mga international syndicates.
Samtang, ginmanduan eon man ro mga mamalidha nga gilayon nga maghimu it hotline para makareport eagi ro publiko nga biktima ukon nakabaton it mga text scam.