Presenteng nagabakae ro Department of Information and Communications Technology (DICT) it satellite broadband connectivity para sa free wifi project it gobyerno.
Raya ro ginpahayag ni chairman ag CEO Kalvin Parpan it Stellarsats Solutions Inc., sangka registered internet service provider sa Pilipinas.
Suno kana, tuyo it proyekto nga maitao raya sa geographically isolated disadvantageous areas ukon mga lugar nga owa it internet sa nasyon.
Dugang pa ni Parpan nga sambilog sa pinaka-importanteng bagay nga ginahimo it andang departamento sa proseso it procurement hay ro availability it tanan nga teknolohiya nga mabuoe it gobyerno bilang option.
Apang, ginklaro man kara nga limitado ro terms of preference nga ginpagguwa it departamento para sa pagbakae it natungdan nga teknolohiya nga sa andang pagpati hay indi makabulig sa gobyerno bangud sa end-users ukon sa mga tawo.
