KALIBO, Aklan—Nakataeanang igalunsar sa buean Hunyo it Land Transportation Office ukon LTO ro sangka digital driver’s license nga magasirbing alternatibo sa physical card.
Suno kay LTO-Aklan head Engr. Marlon Velez nga posibleng ma-access ro nasambit nga digital version it driver’s license pinaagi sa ginatawag nga “Super App.”
Ro Super App hay gin-obra it Department of Information and Communications Technology ukon DICT.
Ginpaathag kara nga bentaha it digital license hay pwedeng maipresentar raya it mga motorista sa mga law enforcement officers sa tiempo nga madakpan.
Raya hay kapareho man sigon sa pagpakita it physical driver’s license.
Pwede man kara nga ma-double check it mga otoridad kon authentic ro ginabuytan nga drivers license it sangka motorista.
Gindugang pa ni Engr. Velez nga pwedeng gamiton ro Super App para sa iba pang transaksyon sa ahensya kapareho it license registration ag renewal kamana man ro online payments.
