Nagpahayag it pagkadismaya ro opisyal it Department of the Interior and Local Government (DILG) sa social media giant nga Facebook bangud sa makabig nga pagtolerate sa illegal online sabong operations sa nasambit nga social media platform.

Dismayado si DILG Undersecretary Jonathan Malaya bangud asta sa makaron hay owa pa it nababaton ro DILG nga maski anong sabat maghalin tag sanda hay nagpadaea it sueat sa Meta, ro operator it FB.

Suno kay Malaya nagaguwa nga mingko nagaserbi nga tulay  sa sangka illegal nga aktibidad kapareho it  illegal e-sabong ro owa  pag-block it andang platform  sa e-sabong ukon online cockfighting.

Gin-insister pa ni Malaya nga madasig eamang sigon ro  pagshut-down it FB sa ibang mga pages apang  pag-abot sa nasambit nga isyu hay mingko ginatolerate sigon kara  iligal nga aktibidad sa nasyon.

Dugang pa it DILG official nga bilang sangka business entity nga naga-operate sa nasyon, dapat sigon nga sundonit FB ro mga ginapatuman nga laye sa Pilipinas.

Ginkumpirma man ni Malaya nga ginatutuka eon it legal team it DILG ro andang maging masunod nga aksyon nga igapatigayon engkaso nga magpamalibad ro Meta nga sumunod sa direktiba it Pangueo nga pagshutdown sa mga illegal e-sabong pages ag accounts.