Nagpaguwa eon it pahayag ro Department of the Interior and Local Government angot sa temporaryo protection order nga ginpaguwa it Davao City RTC Branch 15.
Suno sa ahensya magapadayon ro paghaon kara it warrant of arrest kuntra kay KOJC Pastor Apollo Quiboloy ag sa iba pang kaparehas nga akusado kara.
Pag-eksplikar ni DILG Secretary Benhur Abalos, nga uwa nasambit sa mismo nga temporary protection order ro pagbawae sa dihon it arrest warrant sa puganteng pastor.
Klaro man sigon nga uwa it kasuguan ro Davao RTC nga aywanan it PNP ro lugar.
Sinigurado man kara nga igapabilin nanda ro pag respeto sa kadapatunan nga pantawo it kada myembro it KOJC ag ro legal nga proseso.
Dugang pa ni Abalos nga anda nga igapadayon ro pagkabanal/pagkadiosnon it justice system ag rule of law it nasyon.
Ginhimo it opisyal ro pahayag matapos nga paburan it korte ro hinyo it Kingdom of Jesus Christ.
Ginsugo it korte sa PNP nga paeson ro tanan nga klase it barricades, barriers or blockades nga magabaeabag sa pagsueod it mga miyembro it KOJC nga nagiging rason para punggan ro kahilwayan it mga miyembro it KOJC, religion freedom ag academic rights.
Ginklaro ni Abalos ro mga barikada it PNP sa compound ag ro andang operasyon hay bukon it paeag sa kabuhi, kahilwayn ag seguridad it mga miyembro it KOJC.
