KALIBO, Aklan— Sang adlaw antes ro Boracay re-opening, nagpaguwa it suspension ro Office of the Ombudsman kontra kay Malay Mayor Ceciron Cawaling.
Ro nasambitang suspensyon hay epektibo makaron nga adlaw it Huwebes, suno sa Department of Interior and Local Government (DILG).
Nasayuran nga sambilog si Cawaling sa 17 mga opisyal sa probinsya it Aklan nga ginpasakaan it kasong kriminal ag administratibo ko buean it Hunyo it presenteng dag-on.
Raya hay may kaangtanan sigon sa kapabayaan sa Isla it Boracay nga nagresulta sa pagpasarado kara sa sueod it an-om nga buean nga nag-umpisa ko Abril 26 agud taw-an it daean ro rehabilitasyon nga ginmando mismo ni Pangueong Rodrigo Duterte.
Samtang, temporaryong magabueos sa mabakanteng pwesto ni Cawaling si Vice Mayor Abram Sualog.
