KALIBO, Aklan–Nagapahaom eon ro Department of the Interior and Local Government ukon DILG sa posibleng hana nga pagtama it El Niño sa probinsya it Aklan.
Suno kay Raymundo Palanog, LGOO VII / cluster head it DILG- Aklan nga nakipagcoordinate eon sanda sa mga LGU’s agud nga sikyaron ro andang mga ginahimo nga preparasyon para sa andang mga nasakupan nga banwa.
Sambilog eon suno kana ro nakabaehag sa memorandum nga ginpaguwa ni DILG secretary Benhur Abalos ro pagkriar it El Niño task force kon sa siin sanda ro magapanguna sa mga emergency responses kaibahan ro mga natungdan nga concerned government agencies.
May mga nakalatag eon sigon nga plano ro LGU’s sa pagresponde sa posibleng maapektuhan it El Niño.
Madumduman nga ginpaandam it PAG-ASA nga magatama ro El Niño sa nasyon ag abuton ro tag-init it hasta sa buean it Agosto.
