NATIONAL News —- Nagpaandam ro Department of the Interior and Local Government (DILG) sa gobyerno probinsyal it Aklan ag lokal nga gobyerno it Malay nga siguraduhon ro pagsunod sa daily visitor threshold sa atubang it pinaka-ulihi nga pagdagsa it mga turista, bangud kon indi hay magabaton it show cause orders bangud sa pagpabaya.
Raya hay matapos nga gintumod ni Interior Secretary Eduardo Año ro mga na-dokumento nga pag-eampas sa ginapasugtan nga kapasidad para sa mga turista ko Semana Santa.
Hugut nga nagapanindugan si Año nga indi magaduha-duha nga mag-issue it SCO sa mga opisyal it LGUs nga magabalewala sa naga-exister nga laye sa isla it Boracay.
Gindugang pa it opisyal nga ma-uyang eamang ro pagtinguha it gobyerno nga ma-rehabilitate ro isla sa tiempo nga balewalaon ro mga sueundanan nga gintaeana it gobyerno nasyunal.
