KALIBO, Aklan — Gin-insister it Department of Interior and Local Government (DILG)-6 nga uwa pa it business establishments ro makahambae nga makasabay sanda sa reopening it isla it Boracay sa Oktubre 26.
Sa ginpatigayong meeting it inter-agency task force, ginpahayag ni DILG Regional Director Anthony Nuyda nga nakaabot sa anang kasayuran nga pilang mga hotels ag resort sa isla ro nagabaton it early bookings para sa uman nga pagbukas it isla.
Sa interview it Bombo Radyo, ginpahayag ni Community Environment and Natural Resources Office (CENRO)-Boracay chief Atty. Richard Favila nga hugot nandang ipatuman ro “no compliance, no permit to operate” policy.
Antes suno kana nga mataw-an it accreditation halin sa Department of Tourism, kinahang-ean nga makompleto anay ro tanan nga mga permits ag na-validate it DENR ro ECC.
Ro DOT accreditation ro “go signal” agud makabaton it bookings.
Plano makaron it inter-agency task force nga magpaguwa it listahan it mga compliant nga establisimento agud malikawan ro aberya sa mga bakasyunista.
Sa kabilugang 2,366 nga establisimento nga ginpaidaeom sa inspection, 314 pa eamang ro nakasunod sa mga requirements.
