KALIBO, Aklan — Gina pahaeong it Department of Interior and Local Government (DILG) ro publiko sa pagtao it donasyon para sa rehabilitasyon it Marawi City nga sinamad it haeos ap-at nga buean nga bakbakan it militar ag Maute ISIS group.
Suno kay DILG provincial director John Ace Azarcon nga kinahangeang maging alerto ro tanan kontra sa mga mapamintahang scammers.
Nagpakilaea sigon ro mga raya nga taga-DILG ukon empleyado it gobyerno pinaagi sa pagtawag sa telepono ukon text agud magpangayu it donasyon para sa Marawi.
Gina pangayo sigon sa mga biktima nga ipadaea ro andang donasyon sa remittance center.
Sa ngayon hay naga panawagan ro DILG nga insigidang ipahisayod kanda ukon sa pinakamaeapit nga police station ro sin-o man nga makabaton it anuman nga tawag ukon text nga naga pangayu it donasyon.
