KALIBO, Aklan—Ginpangunahan ni Department of the Interior and Local Government ukon DILG Secretary Benjamin Abalos, Jr. ro paglunsar it Buhay Ingatan, Droga’y Ayawan ukon BIDA Program nga ginpatigayon sa ABL Sports and Cultural Complex.
Ro nasambit nga programa hay gintaeana sa gin-inagurahan nga Balay Silangan ukon Baeay Pagbag-o it Kalibo sa Brgy. Nalook sa banwa it Kalibo.
Mag-eowas kara, nakipagkita ag nakipagpueong ro opisyal sa Regional Management Coordinating Committee ag sa local chief executives sa nasambit nga banwa.
Nasayuran nga ro “Balay Silangan” kaparte sa PDEA Harm Reduction Efforts.
Raya hay sangka national drug reformation program naga nagatanyag it temporaryong refuge sa drug offenders ag surrenderers nga tuyong magbag-o ag maging law-abiding members it sosyodad.
Nauna eon nga naimbitahan si Abalos nga mag diskurso sa opening ceremony it Western Visayas Regional Athletic Association ukon WVRAA Meet 2023 apang uwa raya nadayon sa nasambit nga event.
