Hugot nga ginapamaeabagan it Diocese of Kalibo ro operasyon it unang casino sa Boracay, nga ginbuksan ko Setyembre 16 sa Station 0, Barangay Yapak, Malay, Aklan.
Sa pastoral statement ni Kalibo Bishop Cyril Villareal, gin-engganyo nana ro mga opisyal it gobyerno nga unahon ro kapakanan it mga pamilya ag ro pangkabilugang ikamayad it tanan kaysa sa kita halin sa pagsugae.
Suno pa sa Obispo, posibleng mauli ro pagsugae sa pagkautang, alitan sa pamilya ag pagkaduea it kwarta nga nakataeana kunta para sa pagkaon, edukasyon ag bueong.
Gin-insister dugang it Dioces nga bukon it kinahang-ean it Boracay ro pagsugae ag casino agud mag-umwad bangud nga bastante eon ro kaanyag kara, kultura ag maayos nga pakikitungo it mga residente agud mapabilin ro sangka mapagsik ag mapabilin nga industriya it turismo.
Nasayuran nga mabuhay eon nga nagapamaeabag ro Simbahan sa casino sa isla, kaibahan ro mga pagpamaeabag ko 2003 ag 2021.
