KALIBO,Aklan–Uman nga nag-apela it pangamuyo sa publiko ro Diocese of Kalibo para sa retreat it mga kaparian ag ro igapatigayon nga 126th plenary assembly it Catholic Bishops’ Conference of the Philippines (CBCP) sa Marzon Hotel sa Jaime Cardinal Sin Avenue sa banwa it Kalibo halin July 3 hasta 10, 2023.
Sa domingguhan nga misa, naghinyo it pangamuyo si Bishop Jose Corazon Talaoc, D.D para sa eowas nga pagbyahe it papal nuncio, bishops ag cardinals nga magatambong sa plenary assembly kon sa siin, sa tumaeagsahon nga kahigayunan hay igapatigayon raya sa guwa it Metro Manila.
Ro CBCP plenary assembly hay ro twice-a-year meeting nga ginatambungan it Philippines’ 88 active bishops, 37 retired ukon resigned prelates ag daywang diocesan priest administrators.
Magasentro ro nasambit nga asembleya sa pastoral matters kaeakip ro agenda sa moral, doctrinal ag social issues.
Pagkatapos it andang plenary assembly hay magadiretso ro mga raya sa isla it Boracay.
Nasayuran nga ro CBCP plenary assembly hay masami nga ginapatigayon sa Pope Pius XII Catholic Center sa Manila apang ko 2019, hay napagdesisyunan sigon it mga obispo nga ibalik sa regional meetings ag regional assemblies kon sa siin, ko 2016 ag 2018 hay ginbali it CBCP ro tradisyon ag ginpatigayon ro plenary assemblies sa Cebu.
