KALIBO, Aklan—Ginpaathag ni Atty. Janmar Barrios nga pakikipag-istorya sa China ro pwede nga mahimo it gobyerno it Pilipinas angot sa isyu sa West Philippine.
Raya hay kasunod it panibag-ong pambully it Chinese coast guard sa Philippine coast guard kon sa siin ginamitan pa sigon sanda it laser nga nagaresulta sa temporaryong pagkabulag sa matamaan kara.
Ginpahayag dugang nga medyo recommendation eamang ro pagdaog it Pilipinas sa arbitration ag nagakinahang-ean it diplomasiya sa ginainsister nga kinamatarong it gobyerno sa West Philippine Sea.
Bukas man suno kana ro embahada it Pilipinas sa China ag maging ro Department of Foreign Affairs nga may awtoridad nga magdihon it mga protesta angot sa ginaagawan nga teritoryo.
Madumduman nga maskin ro mangingisdang Pinoy hay inde eon haeos makapaeapit sa Ayungin Shoal bangud nga ginaharangan sanda it Chinese vessel rason nga mas pang ginpabaskog it Philippine Coast Guard ro andang pagbantay sa nasambit nga kaeawran.
