Sambilog si Senador Bong Go nga gin-imbitahan it Philippine Embassy para sa pagselebrar it unveiling ceremony sa pagdumdom sa ika-75th anniversary it diplomatic relations sa tunga it Pilipinas ag Espanya sa bahin it Jose Rizal Monument, Avenida de las Islas Filipinas sa Madrid, Spain.
Suno kay Bombo International Correspondent Maria Edzel Lopez nga maabong mga pinoy partikular ro mga lideres it Filipino community ro nagtambong ag naghueat man sa pag-abot it senador.
Raya hay para man mapaabot ro andang pilang mga hinyu sa gobyerno.
Sambilog sa gintaw-an it igtueupangod it senador ro pinakahinyu it mga pinoy sa gobyerno ro pag-angkon it direktang flight maghalin sa Madrid, Spain paagto it Pilipinas.
Gina-eauman it mga pinoy nga maaprubahan eon ro nasambit nga hinyu bangud sa mabuhay eon nanda rayang ginapaabot sa embahada kamana man sa ibang natungdan nga nagabisita sa nasambit nga nasyon.
Ro tuyo it nasambit nga hinyu hay para indi eon malisdan ro kada pilipino kada mag-uli it Pilipinas.
Sa pihak nga parte importante man sigon ro pagpabilin it manami nga relasyon sa tunga it Pilipinas ag Espanya.
