Kapareho it ginaeauman, may panibag-o eon man nga paghueag sa presyo it produktong petrolyo makaron nga adlaw it martes.
Suno sa oil industry management bureau, pilang oil firms ro nag-abiso it magiging paghueag sa presyuhan it mga produkto.
Ro kantidad it diesel hay nagtaas it piso hasta P1.20 kada litro.
Samtang ro gasolina man hay nagnaba it P1.50 hasta P1.60 para sa kada litro.
Ro nasambit nga price adjustment hay posible pang makaangkon it mga pagbag-o sa masunod nga mga inadlaw/
Mag-eowas sa nasanay eon ro publiko sa kada domingo nga pagbag-o it presyo, mataeupandan man ro kakaibang presyuhan.
Kon price hike, sobrang taas apang kon rollback, manaba.
Kon paga-sumahon, grabe eon ro ginsaka ag indi eon masayuran kon may pagnaba pa.
Ro mahimo eon lang hay mas pang ayuson ro diskarte.
Ro gina obra nga pagtipid hay mas pang hugtan/
Ag owa it ibang ginaeauman ro publiko kundi ro makaeampuwas sa raya nga sitwasyon.
Nagaeaum kita nga sa masunod nga administrasyon hay may mahimo eon agud nga makontrol ro presyo it petrolyo ukon indi man hay makadungan sa pagtaas it mga baeak-eon ag serbisyo nga may kaangtanan gihapon sa langis.
Amat-amat eon nga nabilog ro gabinete, kumpiyansa kita nga sanda ro pinakamayad, maaeam ag madiskarte pag-abot sa ekonomiya.
Ro pagbangon it nasyon hay nakasandig sa andang mga plano ag pagabilugon nga sistema.
Samtang, kita nga mga pumueuyu , ipabilin ro pagiging responsable ag magbuylog sa manami nga katuyuan it gobyerno.
