KALIBO, Aklan — Pwede pang iapela it kontrobersiyal nga vlogger nga si Boy Kayak ro naging desisyon it legal department ag regional office it Land Transportation Office (LTO) nga pag-disqualify kana nga makabo-oe it drivers license .
Raya ro ginklaru ni Engr. Marlon Velez, head it LTO-Aklan kasunod it napabalita nga lifetime ban ukon blacklisted eon imaw.
Pwede sigon nga maka apela ro vlogger sa andang central office bangud nga sanda eamang ro pwedeng maka-reverse ukon maka baliktad ag maka-confirm sa desisyon nga ginpapanaog it mga regional directors.
Madumduman nga guilty ro naging desisyon it LTO sa ginpatigayon nga imbestigasyon kontra kay Boy Kayak angot sa pagsakay sa motorsiklo sa national road sa Aklan nga naka underwear ag sando nga eambong ag nag-exhibition nga matsa si “Superman” pa samtang nagadaeagan ro anang motorsiklo.
Mag-eowas sa multa nga P5,000, ginpapanaugan imaw it disqualification nga makabo-oe it anang driver’s license.
Ginmultahan imaw it P2,000 para sa reckless driving ag dugang nga P3,000 sa driving without license bangud nga ginhimo nana raya sa national road nga pwedeng makatuga it peligro sa ibang motorista.
Nauna eon nga nagpaguwa it show cause order ro taeatapan angot sa insidente.
Ginagamit it vlogger ro anang topdown nga tricycle sa paglibod it isda nga nagapanguna nana nga pangabuhian.
Sa pag-usisa natukiban pa nga owa imaw it driver’s license kat matabu ro insidente.
