Sangka dismayadong hotel guest sa Shanghai, China ro ginhungod nga ibunggo ro anang sports car sa entrance it hotel ag ginmaneho nana raya hasta sa sueod it lobby!
Sangka kulay puti nga sports car ro nagguba sa glass doors it Jinling Purple Mountain Hotel Shanghai ag naglibot-libot sa magarbong lobby it hotel.
Suno sa Shanghai police, natabu ro insidente ko agahon it Enero 10, 2023.
Ro suspek hay sangka 28-anyos nga eaeaki nga nakilaea eamang sa pangaean nga Chen.
Antes nga matabu ro insidente, nakaangkon it diskusyon si Chen ag sangka hotel staff bangud nga may nadueang gamit raya sa hotel nga anang gin-okupahan,
Suno sa sangka hotel staff, may nagpanakaw it laptop ni Chen nga naging rason it pagwala kara.
Ko ulihi, nakit-an ro nadueang laptop sa guwa it hotel.
Owa it naninahan sa insidente ag presenteng ginatumod pa kun pila ro nasamad nga property it Jinling Purple Mountain Hotel.
Sa makaron hay nakakulong sa police station si Chen samtang gina-imbestigahan ro kaso.
