Ginapa-imbestigahan sa Kamara it pilang mamalidha ro gina-alegar nga “disorganized” voting system sa ibang mga nasyon sa unang adlaw it overseas absentee voting para sa 2022 elections.
Gindihon nanday Representatives Carlos Isagani Zarate, Eufemia Cullamat ag Ferdinand Gaite ro House Resolution No. 2554 para paimbestigahan sa House Committee on Suffrage and Electoral Reforms ro mga reklamo it mga botante sa ibang nasyon kaeakip ro kakueangan sa vote counting machines.
Partikular nga ginatumod it mga raya ro sitwasyon sa Hong Kong kung siin pilang libong mga botante ro owa na-accommodate sa unang adlaw it overseas absentee voting bangud limang VCMs eamang ro available halin sa Commission on Elections.
Mag-euwas kara, dapat nakonsidera man ro iba pang mga tikang kapareho it pag-schedule sa mga botante ag paeawigon ro voting hours.
