KALIBO, Aklan—Importanteng adlaw sa mga Simbahang Katoliko ro Disyembre 8 bangud nga raya hay kapistahan it Immaculada Concepcion ukon Immaculate Conception.
Suno kay Fr. Tudd Belandres, parish moderator it St. John The Baptist Cathedral nga sangka holy day of obligation sa mga Katoliko ro kapistahan it Immaculada, ag tradisyon eon ro pagsimba.
Kaparte suno kana it kapistahan ro pagpatigayon it misa sa mga simbahan.
Si Maria nga sa pihak it pagiging ina ni Kristo hay nagapabilin nga eowas sa orihinal nga kasae-anan sa umpisa pa it anang kabuhi.
Ro Immaculada Concepcion hay selebrasyon sigon it pagtau it pasidungog sa lahi it sangkatawuhan kun sa siin si Maria ro espiritwal nga ina it tanan nga tawo.
Ginpahayag dugang nga si Maria hay tumaeagsahon ag ginpalangga it Diyos para sa kamaeayran it tawo.
Sa pihak nga parte, gindugang pa ni Fr. Tudd nga maga-umpisa eon ro simbang gabi sa Disyembre 15 it gabi-i sa mga chapel ag Disyembre 16 it aga-aga sa mga simbahan sa banwa.
Sa Disyembre 14 hay may pagahiwaton nga “kumpisalang bayan” ukon confession bandang alas-8:00 hasta alas-11:00 it agahon.
Manami suno kana nga mag-eowas nga ginkompleto ro siyam nga adlaw nga pagsimbang gabi hay nagakalawat man ro mga nagasimba.
