KALIBO, Aklan—Natyempo eon para aprubahan ro ginaduso nga divorce law sa Pilipinas.
Apang, kinahang-ean nga bukon it madali ro nakasueod nga grounds agud nga ipawalang bisa ro kasae it mag-asawa bangud nga base sa ulihi hay abusuhon eamang ro laye.
Raya ro naging reaksyon ni Mr. Paul Adrian Pelayo, gender and development officer it Population Commission ukon PopCom Aklan kasunod sa hana nga pagbuhi it uman ni Albay Rep. Edcel Lagman sa hagna nga gustong i-legalize ro absolute divorce sa Pilipinas.
May kinamatarong suno kay Pelayo ro mag-asawa nga magdesiyon para sa andang tagsa kaugalingon apang mas dapat paboran kara ro mga una sa mapang abuso nga relasyon agud nga makahilway sa mapanakit nga asawa.
Ro House Bill No. 78 hay nauna eon nga ginduso ko 17th Congress hasta nga nakapasa sa pangatlong pagpamati apang uwa ginbaton sa Senado.
Ko 18th Congress hay sangka identical divorce bill man ro gin-aprubahan it Committee on Population and Family Relations apang uwa gihapon napadayon nga maging laye.
Rason nga pagabuhion raya it uman it law maker sa 19th Congress kon siin ginaeauman nga makapasa sa mga mamalidha apisar nga mayorya sa Pilipinas hay mga katoliko.
