Nasayuran baea ninyo nga ro diabetes hay masyadong maeain ag makamaeatay.
Rason nga kon kamo hay may diabetes, pilitong makontrol raya.
Mahimo naton raya pinaagi sa tamang pagkaon.
Hayra ro mga tips nga dapat tandaan.
Owa it “mild” sa diabetes.
Kun ikaw hay may diabetes, buot hambaeon nga 50 percent it inyong mga selula sa pancreas hay nasamad eon.
Bangud kara, nagataas ro inyong asukar sa dugo it eampas sa normal nga 105 mg/dl.
Maglikaw ukon bawasan ro mga matam-is ag mga matambok nga pagkaon.
Magpamalibad sa ice tea, soft drinks ag capuccino.
Magtubi lang anay.
Mansanas ag peras ro pang-diyeta nga prutas kaibahan ro saging.
Puwede ro one cup rice ag sangka platitong suea.
May mga pasyenteng owa eon nagakaon it humay.
Raya hay bukon it manami suno sa mga eksperto.
magahina kamo ag maduea-an it kabaskog.
Kinahangean man it eawas naton ro carbohydrates para sa balanseng diyeta.
Ro solusyon hay ro paglimita sa kaabuon it pagkaon.
