DND prayoridad ro kaeuwasan it mga OFW sa Taiwan

Ginpaathag it Department of National Defense nga prayoridad it gobyerno ro kaeuwasan it mga Overseas Filipino Workers (OFWs) sa Taiwan sa tunga it tensyon sa China.

Matapos makipagpueong kay US Secretary of Defense Lloyd Austin III, ginpahayag ni Defense Officer-in-Charge Sr. Undersecretary Jose Faustino Jr. nga nagakabaeaka ro Pilipinas sa mga hitabo nga pang seguridad sa Taiwan strait.

Apang, ginpahayag ni Faustino nga padayun man ro pag-update it gobyerno sa mga contingency plans para sa 130,000 hasta 150,000 OFWs sa Taiwan engkaso nga mauli sa giyera ro banggi-anay sa tunga it daywang ka mga nasyon.