Kanugon ag uwa pa natapos ro docu film it Asia’s Queen of Songs Pilita Corrales nga namatay eon sa edad nga 87 anyos samtang imaw hay nagakatueog.
Kaibahan si Janine Gutierrez sa mga producer it nasambit nga docu film nga sunod kana hay mala-I Am: Celine Dion ro concept.
Halin sa pagkaonga it namatay nga legendary singer pagaumpisahan ro nasambit nga docu film nga igadirek ni Baby Ruth Villarama.
Mahaba-haba sigon ro nasambit nga proseso bangud sa ginausoy nanda ro iba pang mga material nga naagyan eon it baha bangud sa bagyong Ondoy.
Samtang, padayon ro pagbuhos it simpatiya sa pamilya it Asia’s Queen of Songs kaibahan eon kara ro karelasyon ni Janine nga si Jericho Rosales nga may video pa it lipsync it anang ina.
Kaibahan si Jericho sa pilang bisita ni Pilita Corrales sa anang ulihing birthday ko August 22, 2024.
