Ginpasiguro it Department of Energy (DOE) nga owa it magiging problema sa suplay it kuryente para sa May 9 elections.
Suno kay DOE-Electric Power Industry Management Bureau Director Mario Marasigan, halin ko Mayo 2 hay gin-umpisahan eon nanda ro pag-monitor sa power situation para masiguro nga stable ag reliable ro suplay eabi eon sa mismong adlaw it eleksyon.
Nakipagbueoligan sigon sanda sa mga grid operator, National Grid Corp. of the Philippines (NGCP), power generation companies ag distribution utilities sa power situation monitoring.
Mag-euwas kara, nakipag-angot eon man ro Energy Task Force on Election sa Armed Forces of the Philippines, Philippine National Police ag Philippine Coast Guard para i-secure ro power facilities sa mga lugar nga gindeklarang danger zones it COMELEC.
