Ginsiguro it Energy Task Force Election (ETFE) ag Department of Energy (DOE) ro kahauman nga magtao it tuloy-tuloy ag masaligang suplay it kuryente sa bilog nga nasyon sa maabot nga local ag national elections sa Mayo 12, 2025.
Suno kay Energy Undersecretary Felix William Fuentebella, nakahathat man ro mga contingency plan ag padayon ro koordinasyon t ETFE sa power producers, transmission operators, ag fuel providers para masiguro ro euwas ag maayos nga eleksyon.
Kaibahan sa mga ginhimong pagpahaom ro inspeksyon ag maintenance it mga pasilidad it DOE, pre-election checks sa mga voting ag canvassing centers, ag pagsiguro sa operational nga Uninterruptible Power Supply (UPS) it Commission on Elections (Comelec).
Kaibahan sa mga katuwang it ETFE ro mga ahensya it gobyerno ag pribadong sektor kapareho it Philippine Independent Power Producers Association, National Power Corporation, National Grid Corporation of the Philippines (NGCP), ag iba pang stakeholders halin sa energy sector.
Kampante ro DOE nga madumaeahan kara ro ginasaligan nga pagtaas demand sa kuryente bago, samtang, ag pagkatapos it eleksyon.
