-- ADVERTISEMENT --
Ginaeauman it Department of Energy (DOE) nga madayun hin-aga ro nakikita nanda nga big-time rollback sa presyo it mga produktong petrolyo.
Suno kay Energy Undersecretary Gerardo Erguiza, ro rollback sa presyo it kada litro it gasolina hay posibleng bumunae sa P6 samtang P12 sa kada litro it diesel ag P9 sa kada litro it kerosene.
Ginpahayag ni Erguiza nga nagamayad-ayad eon makaron ro kondisyon sa supply it langis.
Samtang, ginpaandaman pa gihapon kara ro publiko sa posibleng pagbag-o sa presyuhan sa mga masunod pang mga dominggo.
