Todo paathag ro Department of Energy (DOE) may kaangtanan sa pagbalik eoman it big time oil price hike nga igapatuman sa masunod nga Martes.
Suno kay DOE-Oil Industry Management Bureau Director Rino Abad, tatlong mga events sigon ro mga rason kung haman it padayon sa gihapon ro pagtinaas it presyo sa mga prudoktong langis.
Gin-insister nana nga mabaskog sigon ro pressure sa oil prices bangud sa maga-umpisa eon ro mas mataas nga demand para sa mga nasyon nga kaeakip sa bahin it northern hemisphere bangud magasueod eon sanda sa summer peak period.
Raya hay sa tunga it buean it Hunyo asta Septyembri.
Sa pihak kara,nagapadayon sa gihapon ro Russian oil ban nga igapasaka it European Union; ag ro amat-amat nga paghaeuga sa lockdown sa China nga maga daea man it pagtaas sa oil demand.
Sandig sa inisyal nga pagtantya, magataas ro diesel sa kapin P6.30 asta P6.60 kada litro.
Ro gasolina mat-a hay sa kapin P2.50 asta P2.80 kada litro.
Samtang, ro kerosene hay ginatantya nga magtaas kapin sa P5.10 asta P5.30 kada litro.
