KALIBO, Aklan — Nagdeklara ro Department of Health (DOH) it Code White Alert sa tanan nga mga DOH-retained hospitals ag Centers for Health Development sa bilog nga nasyon umpisa October 31 hasta November 3 .
Suno kay Dr. Vic Sta. Maria, Provincial Health Officer, PHO -Aklan, raya hay agud nga mangin preparado ro tanan nga pasilidad it mga ospital ag health centers sa pag-selebrar it Undas.
Maabo suno kana ro posibleng matabong emergency ag dapat mangin alerto ro mga doktor para insigida nga mataw-an it aksyon ro mga pumueuyong nagakinahangean it bulig.
Ginpabutyag dugang nga ro Code White Alert hay ro pagpreparar it mga hospital sa andang general and orthopedic surgeons, anesthesiologists, internists, operating room nurses, opthalmologists, ag otorhinolaryngologists, para mag responde sa mga owa ginaeauman nga hitabo.
Sandig man sa Code White Alert ro emergency service, nursing ag administrative personnel ag ro hospital dormitory hay mangin bukas para magtao it bulig sa tanan nga oras.
