Ginpahayag it Department of Health (DOH) nga masobra sa 300 HIV care facilities eon ro presenteng nagaoperate sa nasyon agud mas mapaeapit ro serbisyo para sa mga Pilipino.
Suno sa DOH, may 338 pasilidad nga nagatao it libreng HIV-related services kaparehas it screening ag confirmatory testing, antiretroviral therapy, counseling, combination prevention methods, ag viral load testing.
Sa kabilugan, 186 sa mga pasilidad hay makit-an sa Luzon, 77 sa Visayas, ag 75 sa Mindanao, bilang kaparte it tikang it DOH nga himuong mas accessible ro HIV care sa nagkaeain-eain nga rehiyon.
Suno kay Health Secretary Teodoro Herbosa, makabulig ro pag-abot it treatment hubs agud mapadali ro testing.
Igapanupod ro nasambit nga self-test kits sa pinaagi it civil society organizations.
Kadungan kara, nagatao ro Philippine Health Insurance Corporation it Outpatient HIV/AIDS Treatment (OHAT) Package nga hasta sa P58,500 kada pasyente kada para suportahan ro mga nagapaidaeom sa pagbueong.
Suno pa kana, nakikipag-istorya eon imaw sa United States Department of State para sa access sa lenacapavir, sangka long-acting injectable treatment nga gina-inject daywang beses sa sang dag-on.
