Ginkumpirma it Department of Health nga nadetect eon sa nasyon ro local transmission it highly transmissible Omicron subvariant BA.2.12.1.
Suno kay Health Undersecretary Maria Rosario Vergeire, ro mga kaso nga nadetect hay owa eon it kaangtanan sa mga kaso maghalin sa guwa it nasyon apang makit-an gihapon ro mga linkages it mga nadetect nga mga kaso.
Sa pihak kara, gin-insister man ni Vergeire nga owa pa it community transmission sa makaron.
Dugang pa it DOH nga nadungan pa sa makaron ro kaso it COVID-19 omicron subvarainat nga BA.2.12.1 sa Pilipinas.
Tatlong bag-ong kaso it nasambmit nga Omicron subvariant ro nadetect maghalin sa Western Visayas.
Suno pa kay Vergeire, day-wang local cases ag sangka returning Filipinos ro natumod nga nagpositibo sa subvariant.
Ro returning Filipino hay maghalin sa Amerika ag fully vaccinated kapareho man it sangka local cases nga kumpleto ro bakuna samtang ro sambilog pang local cases hay padayon pa nga ginaberipika ro status.
Ginklaro ni Vergeire nga indi pa raya matumod nga sangka community transmission kung siin maeapnagon ropagkalhit ag indi matrace ro lineages it kaso.
Samtang, sa makaron owa pa ginakabig it mga eksperto ro omicron subvariant BA.2.12.1 bilang sangka variant of interest ukon variant of concern.
